Now that I know…

8302114_to-be-or-not-to-be-m

Now that I know,
You like when it rains,
I’ll dance with you some more…

Now that I know,
You will play those chords,
I’ll sing with you some more…

Now that I know,
You were crying missing her,
I’ll make you smile some more…

Now that I know,
You’re surrendering to the baricade,
I’ll stand with you some more…

Now that I know,
You’re loosing trust in her,
I’ll trust you some more…

Now that I know,
You’ll keep questioning yourself,
I’ll find answers some more…

Now that I know,
You love her to bits,
I’ll smile for you some more… 🙂

– Priya Soni

 

(Image source: https://www.artmajeur.com)

Fly with her…

You want to grab her,
And, She swifts like a feather…
You want to harbor her,
But, She is a passenger…

Fly with her,
She takes you to the skies…
Breathe with her,
She makes you feel alive…

Even in her eyes,
There was a spark…
Covered up with the lies,
Now, lost in the dark…

Search for the truth in phony stories,
Gather the courage to unwrap her diaries…
Caress her with all the dove,
Kiss her scars, and paint yourself with love…

Be the spark of her eyes,
And, she’ll burn herself to make you shine…
Feel her chilly nights,
And, wake up to see the dawn, so divine… 🙂

– Priya Soni

Vidambana

Apni taareef sun kar, yun khush na hua kijiye,
log yahan, insaan ki nahi, paise ki puja kiya karte hain..

raah chalte kutton ko berehmi se dutkaar dete hain,
par aapke “pet” ke liye, gift lekar pahunchte hain…

jeb bhaari ho to, TT muskurakar seat dilwata hai,
varna usi seat se hatane me waqt kahan lagata hai..

ghar me jitni mithayiaan, utne mehmaan…
gud-shakkar valon ke to aangan sune raha karte hain…

ajeeb vidambana hai ye,
yun to insaan anmol hai,
par har cheez ka mol karte karte,
khud hi ki keemat aankne laga hai…

ab har kisi ki muskurahat par ek prashn-chinh hai,
khud ko mili tawajjo, par ek prashna-chinh hai,
kyonki,
log yahan, insaan ki nahi,
paise ki puja kiya karte hain…

Maana ki…

Maana ki khushi behad khubsoorat cheez hai,
Par ye kya ki, aansuon ko moti samajh liya…

Maana ki pyaar, tyaag ka doosra naam hai,
Par ye kya ki, khud hi ko luta diya…

Maana ki teri parchaai sa saath nibhaungi sada,
Par ye kya ki, tune peeche dekhna hi chhod diya…

Hasratein hamesha thi, tujhe paane ki,
Sapno se saji thi, vo dor mere sirhane ki,
Ab us sirhane me vo garmahat kahan,
Aansuon me lipta hai, har ek dhaaga yahan..

Hairaan hu mai ye jaankar ki,dil ab bhi udna chahta hai,
Kaise samjhaun ise ki,
yun to khushi behad khubsoorat cheez hai,
Par ye kya ki, aansuon ko moti samajh liya…..!

Vo Kehte Hain…

Vo kehte hain, rote hue nahi dekha kabhi tumhe,
Kya batayein ki, ab to aansoo bhi has dete hain dekh ke hame..

Hangama-e-hasti bhi bahut khoob hai,
Hai banzar zameen par lage ke jaise doob hai..
Is shor me, man ka sannata kahin gum ho jata hai,
Bheed me khojun sukoon, ab khud se milne ko dil ghabrata hai…

Yun to jhakm kayi hain,
Par kiske jeevan me nahi?
Chaho to inme maut ka sabab dhoond lo,
Chaho to apni muskurahat se inko davaa do…

Gar hain khushiyaan, to gam bhi honge…
Maan ja e dil, tujhe todne vale bhi kayi honge…
Unhi toote siron ko tu, ab jodna seekh le,
Gar hain aansoo, to rote hue hasna seekh le…

Nahi hai tera sangharsh kisi aur se,
Tu bas ab khud ko jeetna seekh le…   🙂

Anayas hi has di thi mai….

Anayas hi has di thi mai aaj,
samajh na paayi, jaane kya tha raaz…

haath me kalam liye jane kahan khoi thi,
man me tha, shabdon ka athah sagar,
apni ye kahani, maine motiyon me piroyi thi…

kal tak, to ye aankhe khoob royi thi,
jaane kitne dino se na soyi thi..
aansuon ko apne vastra samajhti thi,
sab dhundhla dhundhla dekhti thi…

kinkartavyimudh si bathi mai,
inme sapne sajane ki jugat me lagi thi..
laapata hue khwabon ke sire khojti,
par ant me, jaise khud hi bikhar jaati…

chehre pe muskan liye, chali jaati thi,
kisi ko ehsaas na ho, aur mai,
apna ye dard khud hi me samete jaati thi…

aaj baat kuch alag hai,
apna astitva khojne ko jee karta hai,
kaanto ti tarah, ateet ab bhi chubhta hai,
par jaane kyu, aaj phool ki tarah khilne ko jee karta hai…

yun hi chalte hue, ek din tujhe dekha tha,
us ajnabi raah par,
itna apna koi na laga tha…

tujhme khilkhilati hui zindagi, jaise jeevant karti thi mujhe…
tujhe muskurata dekh, rooh sukoon paati thi…
teri eklavya ban gyi thi mai,
tujhe dekh kar nikharti ja rahi thi…

Anayas hi has di thi mai aaj,
samajh na paayi, jaane kya tha raaz…

ab aansuon ke baadal chhat chuke hain,
anant sapne, indra-dhanush sa rang bikherte hain…

tu nahi hai ab aas paas,
par phir bhi,
aaj nahi hu mai udaas…

teri yaad me aaj bhi, mera rom-rom khil jata hai….
teri aankhe, yun hi khushi se roshan rahe, bas yahi dil chahta hai….

tujhe yaad kar,
anayas hi kyu has di thi mai aaj,
samajh na paayi, jaane kya tha ye raaz…